బతుకమ్మ బతుకమ్మ ఉయ్యాలో బంగారు బతుకమ్మ ఉయ్యాలో
బతుకమ్మ బతుకమ్మ ఉయ్యాలో బంగారు బతుకమ్మ ఉయ్యాలో
ఆనాటి కాలాన ఉయ్యాలో ధర్మాంగుడను రాజు ఉయ్యాలో
ఆ రాజు భర్యయూ ఉయ్యాలో అతిసత్యవతియండ్రు ఉయ్యాలో
నూరు నోములు నోమి ఉయ్యాలో నూరు మందినిగాంచె ఉయ్యాలో
వారు శూరులయ్యి ఉయ్యాలో వైరులచే హతమైరి ఉయ్యాలో
తల్లిదండ్రులపుడు ఉయ్యాలో తరగాని శొకమున ఉయ్యాలో
ధనధాన్యములబాసి ఉయ్యాలో దాయాదులబాసి ఉయ్యాలో
వనితతో ఆ రాజు ఉయ్యాలో వనమందు నివసించే ఉయ్యాలో
కలికి లక్ష్మినిగూర్చి ఉయ్యాలో ఘనతపంబొనరింప ఉయ్యాలో
No comments:
Post a Comment