| Song Name : | Kaliki chilakala koliki |
| Movie: | Sita ramaiaha gari manavaralu |
| Singers: | K.S. Chitra garu |
| Lyricist: | Veturi Sundara Rama Murthy garu |
| Composer: | M.M. Keeravani garu |
| Director | Kranthi Kumar garu |
కలికి చిలకల కొలికి మాకు మేనత్త, కలవారి కోడలు కనకమాలక్ష్మి
కలికి చిలకల కొలికి మాకు మేనత్త, కలవారి కోడలు కనకమాలక్ష్మి
అత్తమామల కొలుచు అందాల అతివ, పుట్టిల్లు ఎరుగని పసి పంకజాక్షి
మేనాలు తేలేని మేనకోడల్ని, అడగవచ్చా మిమ్ము ఆడకూతుర్ని
వాల్మీకినే మించు వరస తాతయ్య, మాఇంటికంపించవయ్య మావయ్యా..
కలికి చిలకల కొలికి మాకు మేనత్త, కలవారి కోడలు కనకమాలక్ష్మి
ఆ చేయి ఈ చేయి అత్త కోడలికి, ఆ మాట ఈ మాట పెద్ద కోడలికి
నేటి అత్తమ్మా నాటి కోడలివి, తెచ్చుకో మాయమ్మ నీవు ఆ తెలివి
తలలోని నాలికై తల్లిగా చూసే, పూలల్లొ దారమై పూజలే చేసే
నీ కంటి పాపలా కాపురం చేసే, మా చంటి పాపనూ మన్నించి పంపూ
కలికి చిలకల కొలికి మాకు మేనత్త, కలవారి కోడలు కనకమాలక్ష్మి
మసకబడితే నీకు మల్లెపూదండా, తెలవారితే నీకు తేనె నీరెండా
ఏడు మల్లెలు తూగు నీకు ఇల్లాలు, ఏడు జన్మల పంట మా అత్త చాలు
పుట్టగానే పూవు పరిమళిస్తుంది, పుట్టింటికే మనసు పరుగు తీస్తుంది
తెలుసుకో తెలుసుకో తెలుసుకో
తెలుసుకో తెలుసుకో మనసున్న మామా, సయ్యోధ్య నేలేటి సాకేత రామా
కలికి చిలకల కొలికి మాకు మేనత్త, కలవారి కోడలు కనకమాలక్ష్మి
కలికి చిలకల కొలికి మాకు మేనత్త, కలవారి కోడలు కనకమాలక్ష్మి
No comments:
Post a Comment