| Song Name : | Evaro okaru epudo apudu |
| Movie: | Ankuram |
| Singers: | S.P. Balasubramanyam garu, K.S. Chitra garu |
| Lyricist: | Sirivennela Seeta Rama Sastry garu |
| Composer: | Hamsalekha garu |
| Director: | C. Uma Maheswara rao garu |
ఎవరో ఒకరు ఎపుడొ అపుడు
ఎవరో ఒకరు ఎపుడొ అపుడు నడవరా ముందుగా, అటో ఇటో ఎటో వైపు
అటో ఇటో ఎటో వైపు
మొదటివాడు ఎప్పుడూ ఒక్కడే మరి, మొదటి ఆదుగు ఎప్పుడూ ఒంటరే మరి
వెనుక వచ్చు వాళ్ళకు బాట అయినదీ
ఎవరో ఒకరు ఎపుడొ అపుడు నడవరా ముందుగా, అటో ఇటో ఎటో వైపు
అటో ఇటో ఎటో వైపు
కదలరు ఎవ్వరూ వేకువ వచ్చిన, అనుకొని కోడికూత నిదరపోదుగా
జగతికి మేలుకొల్పు మానుకోదుగా
మొదటి చినుకు సూటిగా దూకిరానిదే, మబ్బు పొంగు చాటుగా ఒదిగి దాగితే
వాన ధార రాదుగా నేల దారికి, ప్రాణమంటు లేదుగా బ్రతకడానికి
ఎవరో ఒకరు ఎపుడొ అపుడు నడవరా ముందుగా, అటో ఇటో ఎటో వైపు
అటో ఇటో ఎటో వైపు
చెదరకపోదుగా చిక్కని చీకటి మిణుగురు రెక్కచాటు చిన్ని కాంతికీ
దానికి లెక్కలేదు కాళరాతిరి
పెదవి ప్రమిద నిలపనీ నవ్వు జ్యోతిని, రెప్పవెనక ఆపనీ కంటి నీటిని
సాగలేక ఆగితే దారి తరుగునా, జాలిచూపి తీరమే దరికి చేరునా
ఎవరో ఒకరు ఎపుడొ అపుడు నడవరా ముందుగా, అటో ఇటో ఎటో వైపు
అటో ఇటో ఎటో వైపు
యుగములు సాగినా నింగిని తాకక ఎగసిన అలల ఆశ అలిసిపోదుగా
ఓటమి ఒప్పుకుంటు ఆగిపోదుగా
ఎంతవేడి ఎండతో ఓళ్ళు మండితే , అంత వాడి ఆవిరై వెళ్ళి చేరదా
అంతగొప్ప సూర్యుడు కళ్ళు మూయడా, నల్లమబ్బు కమ్మితే చల్లబారడా
ఎవరో ఒకరు ఎపుడొ అపుడు నడవరా ముందుగా, అటో ఇటో ఎటో వైపు
అటో ఇటో ఎటో వైపు, అటో ఇటో ఎటో వైపు
No comments:
Post a Comment