| Song Name : | Vaana Vaana Tenela Vaana |
| Movie: | Daddy |
| Singers: | Udit Narayan garu, K.S. Chitra garu |
| Lyricist: | Chandra Bose garu |
| Composer: | S.A Rajkumar garu |
| Director | Suresh Krishna garu |
వాన వాన తేనెల వాన
వాన వాన వెన్నెల వాన
కురవని కురవనీ నే నిలువునా కరగనీ
పాప కంటి చూపులలో పాలపంటి నవ్వులలో
బాల మేఘమాలికలో జాలువారు తొలకరిలో
తడిసి తడిసిపోనీ మది మురిసి మురిసిపోనీ
తడిసి తడిసిపోనీ ముడి బిగిసి బిగిసిపోనీ
చిరు చిరు పలుకుల చినుకులలో బిర బిర పరుగుల వరదలలో
తడిసి తడిసిపోనీ మది మురిసి మురిసిపోనీ
వాన వాన తేనెల వాన
వాన వాన వెన్నెల వానా...
హైల హైల హలాలారే హైల హైల హైలారే
హైల హైల హలాలారే హైల హైల హైలారే
ముంగిట్లో మబ్బే వచ్చే మనసులోన మెరుపొచ్చే
పన్నీటి చినుకే వచ్చే ప్రాణంలోన చిగురొచ్చే
బుల్లి బుజ్జి వానదేవతొచ్చె గుండెపైన నీళ్ళుజల్లి లాలపోసె నేడే
ఘల్లు ఘల్లు గాలిదేవతొచ్చె జీవితాన ప్రేమచల్లి లాలిపాట పాడే
ఒహో...శ్రావణలా రాణివచ్చీ, ఉన్న చీకూ చింతా చీకట్లన్ని కడిగే
ఇంకా ఇంకా ఏంకావాలో అడిగే
మధురంగా కథే సాగుతుంటే మనబెంగా ఇలా కరుగుతుంటే
వేగంగా కలే తీరుతుంటే ఆ గంగా ఇలకు జారుతుంటే
తడిసి తడిసిపోనీ మది మురిసి మురిసిపోనీ
వాన వాన తేనెల వాన
వాన వాన వెన్నెల వానా...
చిన్నతనం ముందరికొచ్చే, పెద్దరికం మరుపొచ్చే
ఏటిగట్లు ఎదురుగవచ్చే, ఇసకగూళ్ళు గురుతొచ్చే
కారుమబ్బు నీరుచిందుతుంటే, కాగితాల పడవలెన్నో కంటిముందుకొచ్చే
నీటిలోన ఆటలాడుతుంటే, అమ్మ నోటి తీపితిట్లు జ్ఞాపకానికొచ్చే
ఒహో.. పైటకొంగే గొడుగుకాగా, ఈ చాటు చోటు ఎంతో ఎంతో ఇరుకే
ఎమైందంటే నీకు నాకు ఎరుకే
ఒక్కటిగా ఇలా పక్కనుంటే, ఇద్దరమై సదా సర్దుకుంటే
ముగ్గురిదీ ఒకే ప్రాణమంటూ, ముద్దులతో కథే రాసుకుంటూ
తడిసి తడిసిపోనీ మది మురిసి మురిసిపోనీ
వాన వాన తేనెల వాన
వాన వాన వెన్నెల వానా...
కురవని కురవనీ నే నిలువునా కరగనీ
పాప కంటి చూపులలో పాలపంటి నవ్వులలో
బాల మేఘమాలికలో జాలువారు తొలకరిలో
తడిసి తడిసిపోనీ మది మురిసి మురిసిపోనీ
తడిసి తడిసిపోనీ ముడి బిగిసి బిగిసిపోనీ
