| Song Name : | Aakasam digi vachchi |
| Movie: | Nuvvu Naku nachchav |
| Singers: | S.P. Balasubramanyam garu |
| Lyricist: | Sirivennela Seeta Rama Sastry garu |
| Composer: | Koti garu |
| Director: | Vijay Bhaskar garu |
ఆకాశం దిగి వచ్చి మబ్బులతో వెయ్యాలి మన పందిరి
ఆకాశం దిగి వచ్చి మబ్బులతో వెయ్యాలి మన పందిరి
ఊరంతా చెప్పుకునే ముచ్చటగా జరగాలి పెళ్ళంటే మరి
చెరిసగమవమని మనసులు కలుపుతూ తెర తెరిచిన తరుణం
ఇదివరకెరగని వరసలు కలుపుతు మురిసిన బంధు జనం
మా ఇళ్ళ లేత మావిళ్ళ తోరణాలన్ని పెళ్ళి శుభలేఖలే
అక్షింతలేసి ఆశిర్వదించమను పిలుపులైనవి గాలులే
ఆకాశం దిగి వచ్చి మబ్బులతో వెయ్యాలి మన పందిరి
చెంపలో విరబూసె అమ్మాయి సిగ్గుదొంతరలు, ఆ సొంపులకు ఎరవేసే అబ్బాయి చూపు తొందరలు
ఏ వరాలో ఈ జవరాలై జతపడు సమయంలో , వానవిల్లే వధువుగ మారి ఒదిగిన వేడుకలో
తన సరసన విరిసిన సిరిసిరి సొగసుల కులుకుల కలువకు కానుకగా
ఎద సరసున ఎగసిన అలజడి అలలే తాకగా..
ఆకాశం దిగి వచ్చి మబ్బులతో వెయ్యాలి మన పందిరి
ఊరంతా చెప్పుకునే ముచ్చటగా జరగాలి పెళ్ళంటే మరి
విన్నవారెవరసలు సన్నాయి వారి సంగతులు, సన సన్నగా రుసరుసలు వియ్యాలవారి గుసగుసలు
సందుచూసి చకచక ఆడే జూదశిఖామణులు, పందిరంతా ఘుమఘుమలాడే విందు సువాసనలు
తమ నిగనిగ నగలను పదుగురి ఎదురుగ ఇదిగిదిగో అని చూపెడుతూ
తెగ తిరిగే తరుణుల తికమక పరుగులు చూడగా ..
ఆకాశం దిగి వచ్చి మబ్బులతో వెయ్యాలి మన పందిరి
ఊరంతా చెప్పుకునే ముచ్చటగా జరగాలి పెళ్ళంటే మరి
చెరిసగమవమని మనసులు కలుపుతూ తెర తెరిచిన తరుణం
ఇదివరకెరగని వరసలు కలుపుతు మురిసిన బంధు జనం
మా ఇళ్ళ లేత మావిళ్ళ తోరణాలన్ని పెళ్ళి శుభలేఖలే
అక్షింతలేసి ఆశిర్వదించమను పిలుపులైనవి గాలులే
